Lesakako Udal Kiroldegiko instalazioak
Lesakako Udal Kiroldegia, 2008ko martxoan inauguratu zena, inguruko gune nabarmen gisa sortzen da, kirolari zein ongizateari eskainia. Instalazioak honako gune hauek ditu: barruko igerilekua, udako igerilekua, gune termala, muskulazio gela eta erabilera anitzetako hainbat gela, zure beharretara egokitutako aukera zabala eskainiz. Zatoz eta ezagutu kirola eta erlaxazioa bat egiten duten lekua, esperientzia paregabea bizitzeko. Bertan itxaroten zaitugu beso zabalik!
Espazioak
Barruko igerilekua
Lesakako Udal Kiroldegiko barruko igerilekua espazio polifazetikoa da, eta urte osoan zehar igeriketa eta uretako bertze jarduerez gozatzeko aukera ematen du, eguraldi-baldintzak edozein izanda ere. Dimentsio egokiekin eta ingurune erosoarekin, barruko igerilekua aisialdiko igerilarientzat zein intentsiboago entrenatu nahi dutenentzat diseinatuta dago.
Udako igerilekua
Udako igerilekua ekainaren 10tik irailaren 10a bitartean egon ohi da irekita. Leku freskagarri eta bizia da, hilabete epeletarako aukera ezin hobea eskaintzen duena. Berdegunez inguratuta eta aisialdirako ekipamendu osagarriekin. Toki ezin hobea da atseden hartzeko, eguzkiaz gozatzeko eta lagunekin eta familiarekin elkartzeko. Bere dimentsio eta zerbitzuek adin guztietako pertsonentzat esperientzia atsegina bermatzen dute.
Gune termala
Lesakako Udal Kiroldegiko gune termala erlaxatzeko eta ongizaterako oasi bat da. Hainbat iturburu, ur-ohatzeak, pedilubioa, sauna lehorra, sauna turkoa, eta jacuzziaz hornituta dagoen eremu honek estresa arintzea eta osasun fisikoa eta mentala hobetu nahi dutenentzat esperientzia biziberritzailea eskaintzen du. Zerbitzu hauen onura terapeutikoek, eremu termala osagarri ezin hobea bihurtzen dute kirola praktikatzen dutenentzat edo atseden une bat nahi dutenentzat.
Muskulazio gela
Muskulazio gela, kardio-makina eta pisu modernoz hornituta dago, indarra lantzeko eta hobekuntza fisikorako egokia den espazioa eskainiz. Hasiberriei zein esperientziadun kirolariei erantzuteko diseinatua, gela honek ingurune motibagarri eta funtzionala eskaintzen du muskuluen garapenerako eta osasun orokorrarentzat.
Erabilera anitzeko gelak
Kiroldegiko erabilera anitzeko aretoek askotariko jarduerak egiteko aukera ematen dute. Gimnasia-aerobik klaseetatik hasi eta komunitateko ekitaldi edo bileretaraino. Gela hauek malguak dira eta behar ezberdinetara egokitzen dira. Ekipamendu, argiztapen eta espazio egokiekin, gune hauek ezinbertzekoak dira Lesakako Udal Kiroldegian kirol, kultur eta gizarte jardueren aniztasuna sustatzeko.
IGERILEKU ESTALIA
25X12,5ko neurriko piszina da.
GUNE TERMALA
Bertan gorputzeko atal ezberdinetarako txorroak aurkitu ditzakezu: leporako, bizkarrerako, sorbaldarako, gerrirako, oin eta hanketarako.
Bertzalde, ur-ohatzeetaz, pedilubioaz, jakuzziaz, sauna turkoaz eta sauna lehorraz disfrutatu ahal izanen duzu.
Bertzalde, ur-ohatzeetaz, pedilubioaz, jakuzziaz, sauna turkoaz eta sauna lehorraz disfrutatu ahal izanen duzu.
MUSKULAZIO GELA
KANPOKO IGERILEKUA
